Xabaringiz bor, umumiy o‘rta ta’lim maktablari o‘quvchilari o‘rtasida buyuk jadid alloma, adib va mutafakkirlarimizning boy ma’naviy merosini keng targ‘ib qilish maqsadida "Jadidlar izidan" Respublika tanlovi tashkil etilmoqda.

Joriy yilning 16-noyabr kuni Andijon shahridagi Muhammad Yusuf ijod maktabida ushbu tanlovning Andijon viloyati bosqichi oʻtkazilib, unda quyi bosqichlarda 40 mingdan ortiq tengdoshlari ichida eng sara deb topilgan 32 nafar oʻquvchi-yoshlar gʻoliblik uchun oʻzaro bellashdilar.

Jadid bobolarimiz tarixiga oid badiiy chiqishlar bilan boshlangan musobaqa murosasiz baxslarga aylanib, yakunda 6-8-sinflar ichida Zilolaxon Muhammadvaliyeva (Ulugʻnor tumani), 9-10-sinflar ichida Buloqboshi tumani vakilasi Shodiyona Rahmatjonovalar (Buloqboshi tumani) Respublika bosqichi yoʻllanmasiga ega chiqib, diplom va qimmatbaho sovgʻalar bilan taqdirlandi.

Andijon viloyati MMTB matbuot xizmati